Notizen zu dieser Person
TOD:
[Verzaichnet den 26. Novembr. [1572]].
Magdalena weilendt Wolfgangen Schmidthaimers gewesten Wierts zu Khobernaussen nachgelassne Wittib, an jezt des Michaeln Maunzned[er]s eeliche Hausfraw, bekhenndt unnd verzeicht sich auf irer unnd ires v[er]storbnen Hauswierts eelichen Khindern Hanns, Georg, Abraham unnd Maria genanndt verordenter Gerhab[er] Leonhardten Mackher zu Metmach, unnd Georgen Schmidthaimer im Tall, von wegen aller irer Erbschaft Recht unnd Gerechtigkait [...] in unnd auf der Tafern zu Khobernaussen [...] in [...] Landspurger Pfarr Fridburger Gerichts gelegen [...].
TOD: [Actum den 23. October Ao 613].
Georg Abstötner zu Reith, anstat seiner frl. lieben Hausfrawen Barbara hierinen Principällin, auch in Nam[m]en, seiner frl. lieben zwayen Schwägerin, Maria, Wolffen Guggenpergers zu Guggenperg Ehewürthin unnd Rosina, der Zeit noch ledig, doch gennugsamb vogtbarn Stanndts, auch selbs Sacherin, so ehehaffter Ursachen wegen, persohnlich nit zugegen sein khinden, jedoch anstat irer in dene zuverpitten, volmechtigen Gwalt geben haben, für welche er auch guet, unnd [ver]anntworter sein soll, unnd will, bekhennen, unnd [ver]zeichen sich gegen irem frl. lieben Bruedern, unnd Schwagern Balthasern Schmitham[m]er, im Tall, wegen aller Sprich unnd Anforderungen, sovil sy auf Ableiben ires frl. lieben, unnd Muettern, auch Schwechern, unnd Schwigern, Georgen Schmitham[m]ers, im Tall, unnd Rosina seiner Hausfraw, beed[er] seeligen [Ver]lassungschafft [...].